Пасяджэнне раённага метадычнага аб’яднання настаўнікаў беларускай мовы і літаратуры
05.05.2021У ходзе пасяджэння настаўнікі акрэслілі формы, метады і прыёмы актывізацыі вучэбна-пазнавальнай дзейнасці вучняў на вучэбных занятках і выхаваўчых мерапрыемствах па беларускай мове і літаратуры, вызначылі шляхі развіцця творчых здольнасцей вучняў і іх настаўнікаў у кантэксце вывучэння беларускай мовы і літаратуры.
З сучаснымі падыходамі да актывізацыі і стымулявання вучэбна-пазнавальнай дзейнасці вучняў на вучэбных занятках па беларускай мове і літаратуры прысутных пазнаёміла Багдановіч А.І., настаўнік беларускай мовы і літаратуры ДУА “Сейлавіцкі навучальна-педагагічны комплекс дзіцячы сад – сярэдняя школа”.
Па тэме “Кампетэнцыі настаўніка і вучэбна-пазнавальная дзейнасць вучняў” выступіла Сырыца Н.М., настаўнік беларускай мовы і літаратуры ДУА “Сноўская сярэдняя школа”.
У ходзе практычнай часткі пасяджэння настаўнікі працавалі над складаннем бліц-апытання па розных тэмах вучэбнага прадмета “Беларуская літаратура”.
Кіраўнік раённага метадычнага аб’яднання Дылеўская В.В. падвяла вынікі ўдзелу настаўнікаў у папярэдніх пасяджэннях, прааналізавала якасць выканання прапанаваных заданняў, акрэсліла шэраг пытанняў, працу над якімі неабходна працягнуць у наступным годзе.